Taka þarf mið af gildandi auglýsingu og tilmælum hverju sinni.
Á neyðarstigi almannavarna:
Þegar smitum fer fjölgandi er mikilvægt að takmarka náið samneyti við ákveðinn fjölda fólks með það að markmiði að forðast smit.
Heimsóknir til einstaklinga sem eru í áhættu fyrir alvarlegri sýkingu af völdum COVID-19 eru takmarkaðar.
Mikilvægt er að sýna fyllstu varkárni, fara eftir almennum grundvallarreglum varðandi handþvott og sóttvarnir, halda 1-2 metra fjarlægð á milli þín og gesta eins og unnt er. Athugið að 2 metra fjarlægð veitir meira öryggi en 1 metra fjarlægð.
Þegar fyrstu skref eru stigin út úr verndarsóttkví – hættustig almannavarna:
-
Aðlagið fjölda heimsókna og gesta að aðstæðum í ljósi þess að smit getur borist inn á heimili með gestum.
- Ávallt þarf að hafa í huga hversu mörg staðfest smit eru í sveitarfélaginu.
- Huga þarf að aðstæðum á heimili og hversu mörgum er hægt að taka á móti og halda um leið 1-2 metra regluna.
- Hægt er að byrja með 1-2 nána aðila á viku, forðast snertingu og tryggja 1-2 metra regluna.
Góð ráð til þess að forðast smit
- Gestir þvo hendur og spritta í kjölfarið við komu og við brottför.
- Gott er að forðast beina snertingu við íbúa eins og hægt er.
- Gestir beðnir að virða 1-2 metra nálægðartakmörk við næsta mann eins og verða má.
