Ráðgjöf
Á skrifstofu ÖBÍ býðst fötluðu fólki og aðstandendum þeirra frí ráðgjöf félagsráðgjafa og lögfræðinga um réttindamál. Ekki er um fasta viðtalstíma að ræða. Ráðgjafar okkar forgangsraða viðtölum og úthluta tímum ef ekki er hægt að leysa mál í gegnum síma eða tölvupóst.
Ráðgjafar hjá ÖBÍ eru með símavakt alla fimmtudaga frá kl. 13-15 í síma 530 6710. Hægt er að hringja inn og fá ráðgjöf varðandi málefni réttindi örorku- og endurhæfingarlífeyristaka. Ekki er ekki áætlaður lengri tími fyrir hvert símtal en 10-15 mínútur. Fyrir flóknari mál þarf að bóka tíma hjá ráðgjafa í gegnum móttökuna í síma 530 6700 eða með tölvupósti: mottaka@obi.is.
Netfang ráðgjafa ÖBÍ er: radgjof@obi.is
Aðrir aðilar sem veita ráðgjöf
Réttindagæslumenn fatlaðs fólks skulu fylgjast með högum fatlaðs fólks á sínu svæði og vera því innan handar við réttindagæslu hvers konar. Hvort sem er vegna meðferðar einkafjármuna, þjónustu eða vegna persónulegra réttindi eða einkamála.
Sveitarfélögin bjóða upp á félagslega ráðgjöf og veita upplýsingar og leiðbeiningar um félagsleg réttindamál.
”Þegar brotið er á réttindum fatlaðs fólks og málið er fordæmisgefandi fyrir heildina eða stóra hópa fólks er kannað hvort lagt skuli í málaferli. Stjórn ÖBÍ tekur ákvörðun þar um.
