Undirbúningur fyrir afhendingu Hvatningarverðlauna ÖBÍ 2017 er hafinn. Verðlaunin verða afhent á Hilton Reykjavík Nordica 4. desember. Óskað er eftir að tilnefningar til verðlaunanna verði sendar inn fyrir þann 15. september næstkomandi.
Verðlaunaflokkarnir eru þrír:
- Einstaklingar
- Fyrirtæki/stofnanir
- Umfjöllun/kynningar
Verðlaunin eru veitt þeim sem þykja hafa skarað fram úr og endurspeglað nútímalegar áherslur um jafnrétti, sjálfstætt líf og þátttöku fatlaðs fólks í samfélaginu og stuðlað að einu samfélagi fyrir alla.
Hægt er að senda tilnefningar rafrænt á eyðublaði sem finna má á heimasíðu ÖBÍ. Einnig má prenta eyðublaðið út og senda í hefðbundnum pósti til Kristínar M.Bjarnadóttur starfsmanns nefndar um hvatningarverðlaunin á skrifstofu ÖBÍ í Sigtúni 42, 105 Reykjavík.
