![Frá afhendingu Hvatningarverðlauna ÖBÍ 2019. Ljósmynd: Silja /Ljósmyndir Rutar og Silju](https://www.obi.is/wp-content/uploads/2020/11/hvatningarverdlaun-2019-12-03.jpg)
Verðlaunin eiga að efla frumkvæði til nýrra verkefna og hugmyndavinnu í málaflokknum og skapa jákvæða ímynd fyrir fatlað fólk. Þau eiga að vera hvatning til að gera enn betur til innleiðingar á samfélagi sem endurspeglar einkunnarorð ÖBÍ, eitt samfélag fyrir alla. Verðlaunin eru veitt ár hvert á alþjóðadegi fatlaðra 3. desember og voru fyrst veitt árið 2007. Forseti Íslands, Hr. Guðni Th. Jóhannesson, er verndari verðlaunanna.
Verðlaunin eru veitt í fjórum flokkum; einstaklings, fyrirtækis eða stofnunar, umfjöllunar eða kynningu og verkefni innan aðildarfélaga ÖBÍ.
Í dómnefnd sitja fimm manns og er leitast við að hún endurspegli samfélagið á sem bestan hátt.
Öllum er heimilt að senda inn tilnefningar og er leyfilegt að tilnefna í einn, tvo, þrjá eða alla fjóra flokkana.
![Auglýsing Hvatningarverðlauna ÖBÍ 2020 Auglýsing með sama texta og í frétt](/static/files/Myndir/2020/hvatningaverdlaun_obi-nov2020.jpg)