Þann 16. desember fór fram útskrift í Hringsjá, náms- og starfsendurhæfingu.
Alls útskrifuðust 16 nemendur eftir þriggja anna nám. Athöfnin hófst með því að Guðrún Árný söngkona flutti tvö lög. Helga Eysteinsdóttir forstöðumaður fór yfir starfið á önninni og fulltrúar nemenda fluttu ávörp. Útskriftarnemendur fengu afhend prófskírteini og útskriftargjafir, sem voru að þessu sinni Origami óróar eftir Nillu. Aðrir nemendur fengu afhentar einkunnir. Að lokum flutti Ellen Calmon formaður Öryrkjabandalagsins hátíðarávarp.
