Heilaheill: Málstolsþjálfun
8. júlí @ 08:00 - 31. ágúst @ 17:00
Tökum til máls
Næsta vetur (2024-2025) stendur HEILAHEILL fyrir hópastarfi fyrir fólk með málstol. Markmið þessa hóps er að gefa þátttakendum tækifæri til að efla samskipta-færni sína og gefa þeim mikilvægt tækifæri til að læra af öðrum sem eru í svipaðri stöðu. Þá fer einnig fram fræðsla um orsakir og eðli málstols og bjargráð. Umræðuefni eru fjölbreytt og eru sköpuð tækifæri til að taka þátt í skoðanaskiptum og frásögnum af eigin högum. Áhersla er á málnotkun sem nýtist einstaklingnum í hans daglega lífi.
Tímarnir munu fara fram á laugardögum frá klukkan 11:00-12:30, nema fyrsta laugardag hvers mánaðar en þá eru fundir hjá Heilaheill á sama tíma. Forsvarsmenn verkefnisins munu hafa samband þegar nær dregur.
Forsvarsmenn hópastarfsins eru talmeinafræðingarnir Þórunn Halldórsdóttir og Helga Thors.
» Skráning: Tökum til máls haust 2024
