Kjarahópur ÖBÍ réttindasamtaka mótmælir því harðlega að þeim sparnaði sem næst með frestun gildistöku nýs örorkulífeyriskerfis frá ársbyrjun 2025 til 1. september sama árs, eða 10,1 milljarði*, verði varið til að fjármagna aðra málaflokka og verkefni. Um er að ræða fjármagn sem ætlað var að bæta kjör fólks sem stendur fjárhagslega verst í samfélaginu.
Um 68% fatlaðs fólks geta ekki mætt óvæntum útgjöldum án þess að stofna til skuldar. Þetta er tvöfalt hærra hlutfall en hjá fólki á vinnumarkaði og algjörlega ólíðandi.
Kjarahópur ÖBÍ krefst þess að umræddu fjármagni verði varið til að leiðrétta kjör fatlaðs fólks frá og með næstu áramótum og um leið hætti sparnaðaraðgerðum á kostnað fjárhagslega verst setta hóps samfélagsins. Það lifir enginn á 300 þúsund kr. á mánuði í íslensku samfélagi!
*Úr fjármálaáætlun 2025-2029
