EAPN á Íslandi, samtök gegn fátækt, standa fyrir morgunverðarfundi miðvikudaginn 13. mars kl. 9 – 10:30 í Grófinni, Borgarbókasafninu, Tryggvagötu 15.

Dagskrá

» Þorbera Fjölnisdóttir, formaður EAPN á Íslandi, býður fólk velkomið.

» Halldór Sigurður Guðmundsson dósent í félagsráðgjöf við HÍ og Kolbeinn Stefánsson dósent í félagsfræði við HÍ kynna niðurstöður rannsóknar sem þeir unnu fyrir forsætisráðuneytið um fátækt og áætlaðan samfélagslegan kostnað. Auk þess segja þeir frá þeirri vinnu sem framundan er í ráðuneytinu í kjölfar niðurstaðna rannsóknarinnar.

» Hildur Oddsdóttir, stofnandi Hjálparkokka, segir frá hvaða áhrif það hefur á líf fólks og barna þeirra að búa við langvarandi fátækt og kynnir starf Hjálparkokka, samtaka sem m.a. aðstoða foreldra í fátækt við að gefa börnum sínum jólagjafir.

» Pallborð og umræður.

Boðið verður upp á veitingar.

ÖBÍ er eitt aðildarfélaga EAPN á Íslandi.