- This event has passed.
Vertu þú – Námskeið ÖBÍ og KVAN
24. janúar @ 19:00 - 21:00
Hefst 24. janúar, kennt á miðvikudögum kl. 19:00-21:00
ÖBÍ réttindasamtök og KVAN bjóða í samstarfi upp á námskeið fyrir félagsfólk aðildafélaga ÖBÍ. Námskeiðið er sérhannað og skipulagt af KVAN en starfsmenn og stjórnendur fyrirtækisins hafa mikla menntun og áralanga reynslu í námskeiðahaldi. Á námskeiðinu geta þátttakendur öðlast verkfæri til að auka sjálfstraust, læra markvissa markmiðasetningu, áhrifarík samskipti og að nýta styrkleika sína.
Fyrir hverja?
Námskeiðið er fyrir 20-35 ára einstaklinga úr aðildarfélögum ÖBÍ.
Hvað græði ég á að sækja námskeiðið?
Námskeiðið er sniðið fyrir þá sem vilja styrkja sig í einkalífi, skóla, á atvinnumarkaði eða annars staðar. Hér að neðan má sjá nokkra þeirra efnisþátta sem farið verður yfir á námskeiðinu.
Markmiðasetning og framtíðarsýn
Við kennum þátttakendum að setja þér skýra framtíðarsýn og markmið bæði fyrir sjálfa sig eða sitt vinnustaðateymi. Aðferðarfræðin sem við kennum eykur líkur á því að markmið náist og framtíðarýn þátttakenda verði að veruleika.
Samskipti
Við kennum aðferðir við að teikna upp samskiptakort, kortleggja samskipti í starfi og einkalífi.
Við kennum þátttakendum aðferðarfræði sem að hjálpar þei að þróa með sér enn betri samskiptafærni með áherslu á jákvæð samskipti.
Styrkleikamiðuð nálgun
Rannsóknir sýna að með því að veita styrkleikum þínum athygli þá geta líkurnar á árangri margfaldast. Þátttakendur taka styrkleikapróf og við lesum úr því saman og lærum að yfirfæra á líf okkar
Sjáfstraust og sjálfsmynd
Við lifum í samfélagi þar sem samfélagsmiðlar hafa mikil áhrif á okkar daglega líf. Það er nær óhjákvæmilegt að við berum okkar líf saman við líf annara. Hvaða áhrif hefur það? Hvernig mótast okkar sjálfsímynd og sjálfstraust þegar við sjáum afrek annara í glansmynd á hverjum degi? Er raunhæft að maður sé alltaf hamingjusamur og sáttur í eigin skinni? Við skoðum saman hver við erum sem einstaklingar og er ástæða fyrir því að við séum eins og við erum?
Skipulag
Námskeiðið er kennt í 3 skipti, á fimmtudögum í 2 klst. í senn. Námskeiðið hefst þann 23. nóvember og lýkur þann 7. desember. Kennt verður dagana 23. og 30. nóvember og 7. desember. Námskeiðið fer fram í húsnæði ÖBÍ að Sigtúni 42, 105 Reykjavík.
Eftir námskeið hjá KVAN ættu þátttakendur að geta fundið aukinn kraft, meira jafnvægi og aukið sjálfstraust. Við styrkjum sjálfstraustið og trú á eigin getu ásamt því að finna leiðir til að vera í meira jafnvægi sem nýtist okkur vel þegar takast þarf á við breytingar hvort sem það er á starfsvettvangi eða lífinu sjálfu. Þátttakendur geta lært að finna leið til að hámarka árangur sinn sem nýst getur í leik og eða starfi.
Þar sem ÖBÍ réttindasamtök niðurgreiðir langstærstan hluta kostnaðar er skráningargjald aðeins 2.500 krónur á þátttakanda.
Skráning:
